༢༠༡༩ ཟླ་ ༥ ཚེས་ ༢༩ རེས་གཟའ་ལྷག་པ།

༄༅། །འདི་གར་དབུས་འོས་བསྡུ་ལས་ཁང་ནས་ཕྱི་ལོ་ ༢༠༡༩ ཟླ་ ༥ ཚེས་ ༢༩ ཉིན་བཏང་གནས་ནང་འཁོད་དོན།   འོས་བསྡུའི་སྤྱི་ཁྱབ་འགན་འཛིན་ཤོ་ཟུར་བསོད་ནམས་ཆོས་འཕེལ་མཆོག་ཕྱི་ཟླ་ ༥ ཚེས་ ༢༥ ཉིན་ལྡི་ལི་ནས་སྦེང་ལོར་ཕེབས་ཐོན་དང་། ཕྱི་ཚེས་ ༢༧ ཉིན་ཀོ་ལི་གལ་དུ་ས་གནས་མིང་མང་རྣམས་ལ་འོས་བསྡུའི་སྒྲིག་གཞི་བསྐྱར་བཅོས་དང་འབྲེལ་བའི་གོ་རྟོགས་སྤེལ་བ་དང་། དྲི་བ་དྲི་ལན་བཅས་འོས་བསྡུ་དང་འབྲེལ་བའི་ལས་དོན་ཁག་ལེགས་སྒྲུབ་ཟིན་རྗེས།

ཕྱི་ཚེས་ ༢༨ ཉིན་ཧུན་སུར་རབ་རྒྱས་གླིང་གཞིས་ཆགས་སུ་གོང་གསལ་བརྗོད་གཞིའི་ཐོག་གོ་རྟོགས་སྤེལ་བསྟུན།  ཕྱི་ཚེས་ ༢༨ ཉིན་རྒྱབ་སྦེལ་ཀོབ་ལུགས་བསམ་གཞིས་ཆགས་སུ་བདེ་འབྱོར་ཐོག་ས་གནས་འགོ་འཛིན་གྱིས་གཙོས་གནད་ཡོད་མི་སྣ་ཁག་ནས་ཕེབས་བསུ་གཟབ་རྒྱས་ཞུས་འདུག

ཕྱི་ཚེས་ ༢༩ ཉིན་སྦེལ་ཀོབ་སེ་ར་དགོན་པའི་ནང་འོས་བསྡུའི་སྒྲིག་གཞི་ཐོག་དགེ་འདུན་འདུས་མང་ཡོངས་ལ་གོ་རྟོགས་སྤེལ་གནང་རྗེས་ཕྱི་ཚེས་ ༣༠ ཉིན་སྦེལ་ཀོབ་ལུགས་བསམ་དང་བདེ་སླར་མི་མང་རྣམས་ལའང་འོས་བསྡུའི་སྒྲིག་གཞི་བསྐྱར་བཅོས་སྐོར་གོ་རྟོགས་སྤེལ་རྒྱུ་ཡིན་འདུག  དེ་རྗེས་ཕྱི་ལོ་ ༢༠༡༩།༦། ༢ ཉིན་ཧུབ་ལི་ནས་ལྡི་ལིར་ཕེབས་ཐོན་གནང་རྒྱུ་ཡིན་པ་བཅས།།