༡། ས་གནས་འོས་བསྡུ་ལས་ཁང་ནས་མིང་གཞུང་དེབ་འགོད་བྱ་ཡུལ་ས་ཁུལ་དང་། དུས་ཚེས་གཏན་འབེབས་ཟིན་འཕྲལ་ས་གནས་མི་མང་ལ་སྔོན་ཚུད་ནས་བརྡ་ལན་བཏང་སྟེ་མིང་ གཞུང་དེབ་འགོད་དངོས་གཞི་བྱེད་སྐབས་ཐོབ་ཁུངས་སོ་སོའི་འོས་འཕེན་པའི་ལོ་ཚད་སླེབས་པ་རྣམས་ཀྱི་མིང་ཐོ་ནང་མི་ངོ་ཡོད་སུ་རུང་ནས་དེབ་འགོད་ཆོག་པ་ཡིན།
༢། མིང་གཞུང་དེབ་འགོད་ཟིན་འཕྲལ་འོས་འཕེན་པ་སོ་སོའི་དང་བླངས་དཔྱ་དངུལ་ལག་དེབ་ནང་འབུལ་ཆད་ཡོད་མེད་ཞིབ་འཇུག་དང་སྦྲགས་ས་གནས་འོས་བསྡུ་ལས་ཁང་ནས་འོས་འཕེན་པའི་ཐོབ་ཁུངས་གང་ཡིན་གསལ་བཀོད་ཀྱིས་ལས་ཐམ་ཕབ་སྟེ་གཤམ་དུ་དེབ་འགོད་འགན་འཛིན་གྱི་མིང་རྟགས་དང་དེབ་འགོད་བྱས་པའི་ཨང་གྲངས་རེ་འགོད་དགོས།
༣། དེབ་འགོད་འགན་འཛིན་བསྐོ་གཞག་མ་བྱུང་བའི་སྐབས་བོད་མི་རང་ལོ་ ༡༨ ཧྲིལ་པོ་གསར་དུ་སོན་པ་གང་ཞིག་དེབ་འགོད་བྱ་འདོད་ཡོད་ཚེ་ས་གནས་འོས་བསྡུའི་འགན་འཛིན་ནས་དོན་ཚན་ ༡༨ ནང་གསེས་ ༥ གཞིར་བཟུང་ཞིབ་འཇུག་གིས་སྡེ་ཚན་སོ་སོ་འདྲེས་མེད་ཀྱིས་དེབ་འགོད་བྱེད་འཐུས།